.comment-link {margin-left:.6em;}
Thursday, September 20, 2007
مسكت الورقه البيضا و القلم
و تنحت

معرفتس أكتب ايه
أو اكتبه لمين
أو اكتبه ازاى

تنحت كتير
و بدأت أشخبط
رسمت راجل من خط واحد من غير مارفع القلم عن الورقه
و رسمت زرافه
بس كانت النسب بين رجليها و رقبتها غير متناسقه
و رسمت كرسى
و عملت سهم و كتبت بين قوسين كرسى
بعدين مضيت
و أرخت
و عملت الورقه طياره
رمبتها من الشباك بس ماطارتش
لفت و رجعتلى
و وقعت تحت رجلى

زعلت أوى
اتخنقت
أخدت نفس عميق
نفس واحد بس.... عشان الهوا يكفى الكل
بعدين ساورنى احساس مقبض
و تملكنى شك فظيع
ان الهوا اللى بدخله صدرى كل يوم... كل لحظه
هوا مشموم قبل كده

كحيت جامد
طلعت كل النفس اللى لسه واخده
و طلع معاه جزء من النفس اللى قبله
و سبته يروح لصاحب النصيب
و قلبت الطياره مركبه
و مليت البانيو و حطيتها
و نزلت على ركبى ألعب
و حمدت ربنا على نعمة العقل
.........................................................

 
posted by Maxxed`ouT at 4:42 AM | Permalink | 6 comments links to this post
Thursday, September 06, 2007
Random Fact
My Granma is crazier than yours

Labels:

 
posted by Maxxed`ouT at 1:25 AM | Permalink | 8 comments links to this post